Posts tagged ‘poetry’

Leksyon, Kwentong Kutsero, Atbp. #6

Gising Na! 2010 Na! Isang Pang New Year na Post (Kuno)

Image courtesy of freedigitalphotos.net

  1. Matapos magkabagyuhan at magkalaslasan ang mga bulsa dala ng katakut takot na aberya at ondoy-pepeng ng nagdaang taon, eto na, eto na!! ang unang post ko sa taong ito. Actually, masabi lang na hindi naabandona sa cyberspace ang tambayan ni kuntilbutil. Eto, sumulat ako ng una kong post. Harharhar.. mabigat isiping pati ang pook sapot na ito ay tuluyan nang tetengga ng matagal dahil lang kay ondoy at pepeng nyahahaha… marami lang talagang ginawa..
  2. kaugnay ng naunang puntos, actually, ito na yata ang isa sa walang katorya-torya kong posts, sa loob ng ilang buwang aandap – andap at madalang pa sa patak ng ulang update ng pook sapot na to, (aba tagalog nosebleed ‘to this time!) bakit kanyo walang kwenta? Wala lang. Wala lang talaga syang kwenta. Harharhar. Hindi kidding aside, walang format eh! Ah Kaya! hindi ko nga maikategorya ito sa regular na posts tag o category, kasi nga, anything goes.
  3. Komo nga walang format ang post na ito, ironic isipin na ang daldal daldal na naman ng isip ko. Balikan ang unang puntos bakit naisulat ang post na ito—muling nabuhay panamantala ang matabil na isipan ni kuntilbutil matapos ngang magkabagyuhan at magkalaslasan ang bulsa. Looking back at the past year, and summing everything up at what happened, It’s in the scale of 5/10 – kalahati ay puno ng challenge at kunsumisyon at kalahati naman me swerte pa rin. Di na masama?
  4. Year of the Tiger pala ngayong taon. Di kaya mas dumami ang maiinit ang ulo na mga tao ngayon kumpara ng nagdaang taon? (Year of the Cow, di ko ata makakalimutan ang nagdaang taong ito!) Asa naman ako na sana mas maging ok ang taon na ‘to kaysa dun sa sinundan. Tama! Asa na lang tayong lahat harharhar… Wala namang portable na time machine na pwede gamitin para masilip natin ang hinaharap na gaya ng ginagawa nating pagpindot ng Fast Forward button sa remote control ng dvd player… harharhar. – in other words, ginagawa natin ang lahat ng dapat gawin sa kasalukuyan hanggat me pagkakataon pa at anuman ang kahihinatnan sa hinaharap, iyon ay bunga lamang ng lahat ng pinaggagawa natin sa mga oras na nanatili sa ating mga palad.
  5. Di masyado nakapaggala ng vacation week. Wala lang. Kinulang sa energy harharhar. Ang adik talaga ng unang post na to.
  6. Nakakanerbiyos at nakakatakot nang kaunti ang mangyayari this year, masyadong personal hehe. Ang masasabi ko lang, nagsabay sabay nang lahat ng priorities!!! Sige pa, lahat kayo tumambak sa #1 spot !!! at di na nga ako magkandaugaga dito ho! Ho! ho! (tapos na pala ang Christmas, di tugma ang tawang santa claus) Har har har na lang !!!
  7. Pero ganito naman talaga ang buhay, ituring na lang lahat ng hirap mo ngayon ay isang form ng investment, sa madaling salita, aanihin mo rin lahat ng hirap at sikap na ginagawa mo ngayon, wag lang masyadong pakaasa na matutupad lahat ng goals, kahit yung ilang pinaka importante na lang. You know – limitation. At sa dahilang maraming mangyayari sa buhay mo na di inaasahan ang magpapabago sa takbo ng plano mo. Magkaganunman at di lahat ng goals na reach —  Importante kahit pano, me napala, kesa  butata!
  8. Ilang gabing di mapagkatulog at ilang sakit na naman ng ulo kaya ang dadaan ngayong taon? Harharhar. Nakakatakot talaga, kung busy kami ng nakaraang taon, mukhang triple itong susunod! Ahoho… anyway, highway.
  9. Kaugnay ng ikawalong puntos, buti na lang talaga at nilikha ng Diyos ang gabi. Maraming pagkakataon marahil sa buhay ng isang tao, hindi nabibigyan ng pasasalamat ang mga gabi sa buhay nya na maipapahinga nya ang sariling isip at katawan—buhat sa isang buong araw ng episode ng buhay niya kung saan nakikipagbakbakan sya para mabuhay. Kung nilikha ang oras ng paggawa, iyon ay marahil nilikha rin ang oras ng pagpapahinga. Cycle lang talaga.
  10. Kaugnay rin ng ika syam na puntos, kung ikaw ay isang tao na nakakatulog ng mahusay sa gabi, sa harap ng maraming suliraning kinakaharap, aba maswerte kang nilalang! Gaya ng tunay na kaligayahan at kalusugan, hindi basta nabibili ng salapi ang isang mahimbing na tulog sa gabi.

Alay ko ang ilang linya ng taludtod na ito sa ikasampung puntos :

Isang Maikling Tula Alay sa Araw At Gabi

Dalawamput apat na oras, inialay sa isang araw

Labing dalawa kay haring gabi, labing dalawa kay haring-araw;

Bukang liwayway si haring araw, liwanag at buhay sa lahat ng nilalang

Matapos ng takip silim, sisilip na si haring buwan, tatanglawan at gagantimpalaan

Lahat ng nahihimbing at namamahinga upang harapin ang bagong araw.

Happy New Year sa Lahat!

Advertisements

January 2, 2010 at 9:19 am 1 comment

Creative Writing #2 : Tula ng Isang Saranggola

Matagal-tagal na rin nung huli akong sumali sa mga ganito. Nung huli sa isang church songwriting contest ako sumali at nung college days pa ako non.

Naisip nyo na ba ang pagkakapareho ng tao at ng saranggola?

Ito ang aking entry sa Saranggola Blog Awards – Tula , pa-contest ni Mr. Blue

Mangarap at Lumipad Ka!

(Tulad Ng Isang Saranggola)

Katangian!
Ang pangarap — tulad ng saranggola,
Malaki, maliit, simple o magara
Iba-iba man ang sukat, kulay o hitsura
Sila’y papalaot sa himpapawid ng tadhana

At kung ang tao man ay mangarap
Pagdugtungin ang tiis at hirap
Tulad ng pagbuo ng isang saranggola —
Katawa’y pinagtagni-tagning pag-asa

Mangarap at Lumipad Ka …
Tulad ng Isang Saranggola!

Katapangan!
Sapagkat siya’y itinadhana
Na lumipad at langit ay halikan
Abutin ang ulap, makipagsapalaran
Subukin sa himpapawid pumailanlang

Ang taong may mithii’t pangarap
Buo ang loob harapin ang dusa’t hirap
Buong tapang haharapin ang kawalan
Susugal maging anuman ang kahinatnan

Mangarap at Lumipad Ka …
Tulad ng Isang Saranggola!

Katatagan!
Kapag lumipad na ang isang saranggola
Tatag ng kalooban kanyang sandata
Makapangyarihang hangin kanyang bagwis
Tagumpay ng paglipad sadyang kay tamis

Ngunit pag-abot ng pangarap sadyang di madali
Sa daang tatahaki’y may pakikipagtunggali —
Kapalaran sa tao’y madalas mapagbiro
Kung malapit na sa rurok saka nabibigo

At sumubok sa paglipad ang isang saranggola
Matapos ang ilang pagsubok at paglagpak —
Panginoon nyang hangin, sa kanya’y tumugma
Tulad ng nangangarap, babangon sa pagkakadapa

May panahon ang bawat nilalang
Bawat isa sa atin ay may nakalaan
Maaliwalas na araw pagkatapos ng bagyo
Muli’y susubok ilang beses mang mabigo!

Mangarap at Manalig ka…
Tulad ng Isang Saranggola!

Karunungan!
Gamit ang natatanging pisi
Liparin, pinakamatayog na lipad
Abutin ang iyong pinakamimithi
Talino’y gamitin upang ito’y matupad

At sa gayo’y matutunan mong…
Harapin ang kabiguan.
Hamunin ang katauhan.
Gamitin ang kakayahan.
Subukin ibayong katatagan.

Mangarap at Lumipad Ka…
Tulad ng Isang Saranggola!

Written by Kuntilbutil July 2009

August 9, 2009 at 8:10 am 23 comments

Creative Writing #1

This is my first entry in creative writing/nosebleed category. I call it nosebleed category since I will be writing in english language that is not my mother tongue.. so that explains it! har har har

This small blog site has been selfish (i think) because its primary use for me is just an outlet of my daily random thoughts, whining and ranting – in short it’s like a one-sided conversation where only one opinion matters – mine.

Continue Reading June 9, 2009 at 10:43 am 3 comments


KuntilButil – D’ BLAG-ger


Sino si kuntilbutil? Maaring ikaw, sila, o ako. Minsan normal, minsan hindi.

Calendar

June 2018
M T W T F S S
« Oct    
 123
45678910
11121314151617
18192021222324
252627282930  

KuntilButil’s Posts Archives

Mga Naligaw at Napadaan

  • 20,680